Quen é Pablo Argibay Portela

Curso o Máster de Innovación Industrial e Optimización de Procesos na Universidade de Vigo e son Graduado en Administración e Dirección de Empresas pola mesma universidade. Firme defensor da cultura libre e convencido de que un mundo mellor é posible. http://pabloargibay.es
Xul 11

Horarios para o curso 2011-2012

horariosPublicamos os horarios de teoría e exames aprobados en comisión permanente o día 8 de xullo para o vindeiro curso académico 2011-2012. Deles sinalar que se aprobou o horario de primeiro por separado do resto, a razón é a implantación dun plan horario piloto ao que nos opuxemos os estudantes presentes e un profesor, sendo aprobado cos votos do resto de profesores. Opuxémonos porque consideramos o novo horario lesivo para o estudantado: plantexanse 14 programacións, unha para cada semana académica do curso, coa inestabilidade para o alumno que isto supón. Siga lendo

Abr 08

I Foro de Perspecitivas Económicas da UVigo

I Foro de Perspectivas Económicas da Universidade de Vigo

Cartaz do I Foro de Perspectivas Económicas da Universidade de Vigo

Comprácenos poder presentarvos o I Foro de Perspectivas Económicas da Universidade de Vigo, este foro, que nace con vocación de continuidade, ten por obxecto por en común diferentes posturas a respecto da situación económica de España e Galicia, contando coa presenza de importantes personalidades do mundo económico e empresarial tentaremos albiscar o futuro que nos agarda pero non queremos pasar como actores pasivos, xa que o futuro está na universidade tratase de construír un futuro económico sostible coas novas ideas e novos xeitos de entender. Nesta primeira edición o sistema financeiro será o núcleo dada a súa relevancia na actualidade ,e nomeadamente das Caixas de Aforro, polo seu protagonismo nesta reforma. Siga lendo

Mar 15

Xornadas de Introducción ao software libre

Introdución ao software libre

Cartáz das xornadas de iniciación

Queda aberto xa o prazo de inscrición para as Xornadas de Introdución ao software libre na na facultade de Ciencias Económicas e Empresariais. Esta xornada pretende achegar aos interesados nas novas tecnoloxías un sistema operativo aberto baseado en software libre, así coma algunhas das aplicacións máis empregadas no eido dos estudos das ciencias económicas e empresariais.

Con este curso, dende a delegación de alumnos, temos a intención  de difundir as bondades do software libre e as aplicacións de código aberto. Perderlle o medo a este tipo de software e a instalación e outro dos obxectivos deste curso, isto conseguirémolo coa primeira actividade, onde se fará unha instalación dun sistema operativo dende cero, en concreto do sistema operativo Trisquel GNU/Linux, un sistema operativo ligado á Universidade de Vigo posto que ten a súa orixe na facultade de Informática de Ourense. Siga lendo

Nov 20

Voluntarizate na Uvigo!!!

Dende a Área de Voluntariado da Universidade de Vigo organízanse durante os días 29 de novembro a 1 de decembro as Xornadas Solidarias. (1ª parte).

cartaz xornadas voluntarizate

xornadas voluntarizate Uvigo

Esta iniciativa pretende dar resposta e canalizar a solidariedade que sabemos que existe na nosa comunidade. Sentir que as cousas poden ser mellores, e que nós podemos ser parte activa deste cambio, é a maior motivación para un voluntario. Ademais disto, non se precisa máis que unha colaboración adaptable coa túa dispoñibilidade e, a maiores da realización e satisfacción persoal obtidas, son moitas as avantaxes: pagamento dos gastos de desprazamento que se xeren como consecuencia do desenvolvemento da actividade, cobertura dun seguro durante a actividade, certificacións e ,xa de cara ao alumnado, posibilidade de recoñecemento de créditos como parte do plan de estudos cursado. Siga lendo

Nov 04

Elección de delegados

elección de delegados de clase

presentate a delegado!!

Durante a vindeira semana dende a delegación tentaremos organizar a elección de delegados nos cursos onde non estean inda elixidos.

A elección de delegados é importante para manter unha comunicación fluída entre os alumnos e os representantes ,  agardamos que esteades interesad@s e que presentedes varias candidaturas 😉

Se tedes algunha dubida xa sabedes que na delegación sempre adoita haber alguén, e senón no foro da web podedes facer calquera pregunta.

Saúdos

Xuñ 28

Aprobados calendarios 2010-2011

Hoxe na comisión permanente da Xunta de Facultade aprobáronse os horarios para o vindeiro curso 2010-2011 (podes descargalos abaixo comprimidos en zip con formatos pdf, odf e doc).

A principal novidade podémola atopar nos calendarios de 1º e 2º de Grao en ADE, onde as datas axustáronse de tal forma que quedase un día libre á semana – luns ou venres – có custe de incluír dúas sesións de titorías, por cuadrimestre, pola tarde. A idea disto é facilitar o traballo autónomo dos estudantes así coma reservar un día que permita o traballo en equipo.

É conveniente que lle botedes unha ollada posto que este ano en ADE poderá elixirse grupo (A, B ou C) cando se formalice a matricula, sempre que queden prazas libres.

Arquivos adxuntos:  calendarios-2010-2011-pdf (formato pdf), calendarios-2010-2011-odf (formato odf), calendarios-2010-2011(formato word)

Xuñ 07

Benvidos a adevigo.es

Benvido a adevigo.es, esta web pretende ser un punto de encontro e comunicación para os alumnos da facultade de Ciencias Económicas e Empresariais da Universidade de Vigo. Nun mundo cada vez máis baseado na internet nas comunicacións a distancia, os estudantes da nosa facultade estamos na obriga de coñecer e desenvolvernos neste medio quizais con maior facilidade que ningún outro profesional, posto que o noso futuro determínano as capacidades que poidamos amosar. Siga lendo